काठमाडौं। भौतिक रुपमा हुँदै आएको बिमा सम्बन्धी कामहरु अनलाइनबाटै गर्न नेपाल बीमा प्राधिकरणले डिजिटल इन्स्योरेन्स पोलेसी गाइडलाइन २०८० को मस्यौदा तयार पारेको छ ।
प्राधिकरणले मस्यौदा तयार पार्दै जानकारबाट थप राय माग गरेको हो । बिमितले भौतिकरुपमा उपस्थित भएर इन्स्योरेन्स गर्नुपर्ने बाध्यतालाई हटाउने अपेक्षा सहित गाइडलाईन मस्यौदा तयार पारेको प्राधिकरणले जनाएको छ ।
प्राधिकरणले मस्यौदा तयार पार्दै बिमा कम्पनीहरुले आइटी क्षेत्रमा गर्दै आएको लगानी थप बढाउनुपर्ने उल्लेख गरेको छ ।
मस्यौदा अनुसार अब जीवन, निर्जीवन, लघु तथा पुनर्बिमा कम्पनीहरुले डिजिटल प्लाटफर्म निर्माण गर्नुपर्नेछ । जहाँ बिमितले अनलाईबाटै इन्स्योरेन्स पोलेसी खरिद,सरेण्डर तथा बिमा दाबीभुक्तानी समेत गर्न सक्नेछन् ।
प्राधिकरणले फागुन २ गते भित्र मस्यौदा उपर जानकारबाट सुझाव माग पनि गरेको हो ।
