काठमाडौँ। हिमालयन पावर पार्टनर लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ । जसअनुसार कम्पनी २६ करोड २३ लाख रुपैयाँ घाटामा देखिएको छ ।
गत आवको सोही अवधिसम्म भने कम्पनी १८ करोड ९८ लाख रुपैयाँ घाटामा थियो । यसरी कम्पनीको घाटा ३८.१९ प्रतिशतले वृद्धि भएको छ ।
अघिल्लो आवको चौथो त्रैमाससम्म कम्पनीले विद्युत् बिक्रीमार्फत ३५ करोड ४३ लाख रुपैयाँ कमाएको थियो। यो अवधिसम्म कम्पनीको कुल खर्च २६ करोड ७० लाख रुपैयाँ रहेको छ । जुन अघिल्लो आवको तुलनामा २५.०२ प्रतिशतले धेरै हो।
कम्पनीको रिटेन्ड अर्निङ ९ करोड ८९ लाख रुपैयाँ रहेको छ । कम्पनीको कुल चालु सम्पत्ति २३ करोड ६२ लाख रुपैयाँ र कुल चालु दायित्व ३० करोड ३१ लाख रुपैयाँ रहेको छ । कम्पनीको प्रतिसेयर आम्दानी (त्रैमासिक) २४.६२ रुपैयाँ ऋणात्मक, प्रतिसेयर नेटवर्थ १०९.२९ रुपैयाँ रहेको छ ।
