काठमाडौं । मङ्गलबार सुनचाँदीको भाउ वृद्धि भएको छ । आज सुन प्रति तोला ६ सयले बढ्दा चाँदी प्रति तोला १० रुपैयाँले महङ्गिएको हो ।
नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख २० हजार पाँच सय रुपैयाँमा कारोबार भइरहेको छ । यसैगरी आज तेजाबी सुन प्रति तोला एक लाख १९ हजार नौ सय रुपैयाँमा कारोबार भइरहेको छ ।
सुनको मूल्य केही समयअघि प्रति तोला एक लाख २१ हजार छ सय पुग्दै अल टाइम हाई रेकर्ड बनाएको थियो । यसैगरी आज चाँदी प्रति तोला एक हजार चार सय ८५ रुपैयाँमा कारोबार भइरहेको छ । बिश्व समुदायमा हुने विभिन्न घटनाको कारण सुनको मूल्यमा थप बृद्धि हुदै जाने महासंघको भनाई छ ।
