काठमाडौं । भुक्तानी सेवा प्रदायक खल्तीले साना तथा मझौला व्यवसायीहरूलाई आफ्नो व्यवसाय डिजिटलाइजेसनतर्फ लैजान खल्ती पेमेन्ट गेट वेको सुविधा दिदै आएको छ।
उक्त सुविधा अन्तर्गत अहिलेसम्म ५ हजार व्यवसायीहरूले प्रत्यक्ष रुपमा लाभान्वित हुनुका साथै थप व्यवसायीहरूलाई प्रोत्साहित गर्न खल्ती स्मार्ट उद्यमी अफर उपलब्ध गराएको कम्पनीले एक सूचना मार्फत जानकारी दिएको छ ।
उक्त सुविधा अन्तर्गत ‘खल्ती पेमेन्ट गेट वे’ मा आबद्ध हुने साना तथा मझौला व्यवसायीहरूले आफ्ना ग्राहक वर्गबाट डिजिटल तरिकाले सरल र सुरक्षित रूपमा भुक्तानी लिन सक्नेछन् भने यसमा उपलब्ध अफर अनुसार मेटा विज्ञापन क्रेडिट र एसएमएस क्रेडिट को रूपमा एपीआई शुल्कमा १०० प्रतिशत मनी ब्याक प्राप्त गर्न सक्नेछन्।
यति मात्र नभएर आफ्नो व्यवसायमा वृद्धि विस्तार गर्न आवश्यक पर्ने बस्तु जस्तै प्रिन्टर, ल्यापटप पनि जित्ने मौका पनि पाउनेछन्।
यसका अतिरिक्त खल्तीको SDK/API मा आबद्ध भए पश्चात व्यवसायीले अन्य बैंकको सहायता बिना नै खल्ती प्रयोगकर्ताहरू साथै अरु विस्तृत स्रोतहरू जस्तै पार्टनर बैंकहरूको ई बैंकिङ, मोबाइल बैंकिङ, एससीटी र भिसा र मास्टर कार्ड, कनेक्ट आईपीएसमार्फत भुक्तानी लिन सक्नेछन्।
