काठमाडौं । नेकपा एमालेका उपाध्यक्ष विष्णु पौडेलमाथि अनुसन्धान जारी राख्न अदालतले पुनः ६ दिनको म्याद थप गरेको छ। सम्पत्ति शुद्धीकरणसम्बन्धी मुद्दामा अनुसन्धान भइरहेका उनलाई तेस्रोपटक म्याद थपिएको हो।
विशेष अदालतका न्यायाधीश हेमन्त रावल, डिल्लीरत्न श्रेष्ठ र उमेश कोइरालाको इजलासले थप अनुसन्धानका लागि समय दिने निर्णय गरेको हो।
पौडेललाई असार ८ गते सुर्खेतबाट नियन्त्रणमा लिइएको थियो। सम्पत्ति शुद्धीकरण विभागले उनको सेयर कारोबार तथा सम्पत्तिको स्रोतबारे शंका लागेपछि अनुसन्धान अघि बढाएको जनाएको छ।
यसअघि पनि अदालतले दुई पटक म्याद थप गरिसकेको अवस्थामा पुनः थप समय दिइएको हो।
