काठमाडौं । सर्वोच्च अदालतले एमाले उपाध्यक्ष तथा पूर्वउपप्रधानमन्त्री विष्णु पौडेलसँग सम्बन्धित बन्दीप्रत्यक्षीकरण रिटमाथि सुनुवाइ गर्दै विशेष अदालतमा विचाराधीन सम्पत्ति शुद्धीकरण मुद्दाको सक्कल मिसिल माग गरेको छ।
न्यायाधीश टेकप्रसाद ढुङ्गाना र मेघराज पोखरेलको संयुक्त इजलासले रिटसँग सम्बन्धित सम्पूर्ण तथ्य र प्रमाणको विस्तृत अध्ययन गर्न आवश्यक ठहर गर्दै उक्त आदेश जारी गरेको हो। सो मुद्दामा सुलभ अग्रवाल र दीपक भट्ट प्रतिवादी रहेका छन्।
यो रिट विष्णु पौडेलकी पत्नी दोमाया पौडेलले दायर गरेकी हुन्। अदालतले विशेष अदालतमा रहेको सम्पूर्ण कागजात र प्रमाण सर्वोच्चमा पेश गर्न निर्देशन दिएको छ।
सर्वोच्च अदालतले रिटमा उठाइएका विषय र विशेष अदालतमा चलिरहेको मुद्दाबीच सम्बन्ध देखिएको उल्लेख गर्दै निष्पक्ष निर्णयका लागि सक्कल मिसिल आवश्यक भएको जनाएको छ।
अब आवश्यक कागजात सर्वोच्चमा पुगेपछि रिटमाथिको थप सुनुवाइ प्रक्रिया अघि बढ्नेछ।
