काठमाडौं। कामना सेवा विकास बैंकले आर्थिक वर्ष २०८२/८३ को अन्त्यसम्म नाफामा उल्लेख्य वृद्धि गर्दै ८९ करोड ४१ लाख रुपैयाँ खुद नाफा कमाएको छ। अघिल्लो वर्षको सोही अवधिमा बैंकको नाफा ६६ करोड ९७ लाख रुपैयाँ रहेको थियो, जसको तुलनामा यस वर्ष ३३.५१ प्रतिशतले वृद्धि देखिएको छ।
सार्वजनिक गरिएको विवरणअनुसार बैंकको खुद ब्याज आम्दानी बढेर २ अर्ब ४१ करोड रुपैयाँ पुगेको छ भने कुल सञ्चालन आम्दानी २ अर्ब ८५ करोड रुपैयाँ पुगेको छ।
सञ्चालनतर्फ बैंकले १ अर्ब ३८ करोड रुपैयाँ नाफा कमाएको छ।
यस अवधिमा बैंकको वितरणयोग्य मुनाफा ६० करोड ११ लाख रुपैयाँ कायम भएको छ भने प्रतिशेयर आम्दानी २२.७५ रुपैयाँ पुगेको छ। ४ अर्ब २१ करोड रुपैयाँ चुक्ता पुँजी रहेको बैंकको जगेडा कोषमा २ अर्ब १४ करोड रुपैयाँ सञ्चित रहेको छ।
यस्तै, बैंकको निष्क्रिय कर्जा अनुपात ३.७७ प्रतिशत पुगेको विवरणमा उल्लेख छ।
