काठमाडौं । पूर्वमन्त्री तथा नेकपा एमालेका नेता विष्णु पौडेललाई सोमबार विशेष अदालतमा पेश गरिएको छ।
सम्पत्ति शुद्धीकरण अनुसन्धान विभागले उनीमाथि पदको दुरुपयोग गरी व्यवसायी दीपक भट्टलाई सेयर खरिद प्रक्रियामा सहजीकरण गरेको आरोपमा अनुसन्धान गरिरहेको छ। यसै सिलसिलामा उनलाई अदालतमा उपस्थित गराइएको हो।
पौडेललाई असार ८ गते सुर्खेतबाट नियन्त्रणमा लिइएको थियो। यसअघि उनीविरुद्ध दायर बन्दी प्रत्यक्षीकरण रिटमाथि सुनुवाइ गर्दै सर्वोच्च अदालतले कारण देखाऊ आदेश जारी गरिसकेको छ।
