कञ्चनपुर । कञ्चनपुरमा लागुऔषध खैरो हेरोइनसहित एकजना पक्राउ परेका छन्। भीमदत्त नगरपालिका–१० ब्यारेलस्थित चेक प्वाइन्टबाट खैरो हेराइनसहित भीमदत्त नगरपालिका–१९ का ३२ वर्षीय रामकिशन राना पक्राउ परेका हुन्।
जिल्ला प्रहरी कार्यालयका अनुसार उनको साथबाट २.५५ ग्राम खैरो हेरोइन बरामद गरिएको हो।
रानाले खैरो हेरोइन साइकलको बायाँपट्टिको ह्यान्डलको प्वालभित्र लुकाएका थिए।
मंगलबार साँझ लागुऔषध नियन्त्रण ब्युरो शाखा कार्यालय महेन्द्रनगरबाट खटिएको प्रहरी टोलीले शंका लागेर जाँच गर्दा खैरो हेराइन बरामद गरिएको हो।
