काठमाडौं। सुपर हेवा पावर कम्पनी लिमिटेडले आफ्ना सेयरधनीलाई ३.१५७८९ प्रतिशत नगद लाभांश वितरण गर्ने भएको छ।
कम्पनीले गत आर्थिक वर्ष २०८२/८३ को मुनाफाबाट करसहित उक्त नगद लाभांश वितरण गर्ने प्रस्ताव गरेको हो। प्रस्तावित लाभांश कम्पनीको आगामी १६औँ वार्षिक साधारणसभाबाट अनुमोदन भएपछि सेयरधनीले पाउनेछन्।
कम्पनीको साधारणसभा असोज २५ गते आइतबार काठमाडौंको सोल्टीमोडस्थित बुद्ध प्यालेस पार्टी भेन्युमा बिहान ११ः३० बजे सुरु हुनेछ।
सभाले सञ्चालक समितिका तर्फबाट अध्यक्षले प्रस्तुत गर्ने आर्थिक वर्ष २०८२/८३ को वार्षिक प्रतिवेदन पारित गर्नुका साथै लेखापरीक्षकको प्रतिवेदनसहित वासलात, नाफा–नोक्सान हिसाब, नगद प्रवाह विवरण तथा इक्विटीमा भएको परिवर्तनसम्बन्धी वित्तीय विवरण अनुमोदन गर्नेछ।
त्यस्तै, चालु आर्थिक वर्ष २०८३/८४ का लागि लेखापरीक्षक नियुक्त गरी पारिश्रमिक निर्धारण गर्ने तथा चारजना सञ्चालक चयन गर्ने कार्यक्रम पनि रहेको कम्पनीले जनाएको छ।
