काठमाडौं । साताको दोस्रो कारोबार दिन मंगलबार सेयर बजार सामान्य अंकले उकालो लागेको छ। नेप्से परिसूचक ०.७९ अंकले बढेर २६४१.८५ विन्दुमा पुगेको हो।
आज बजारमा ९५ लाख ३४ हजार कित्ता सेयर खरिदबिक्री हुँदा कुल ४ अर्ब ११ करोड ९ लाख रुपैयाँ बराबरको कारोबार भएको छ।
कारोबार भएका कम्पनीमध्ये १३३ वटाको सेयर मूल्य बढेको छ भने १२२ कम्पनीको मूल्य घटेको छ। त्यस्तै, २० कम्पनीको सेयर मूल्यमा कुनै परिवर्तन भएको छैन।
अपर लोहोरे खोला हाइड्रोपावर कम्पनी लिमिटेडको सर्वाधिक सेयर मूल्य बढेको छ । अपर लोहोरे खोलाको १४.९९% ले सेयर मूल्य बढेको हो ।
यस्तै, आरबीबीएल डिवेन्चर २०८८ को ५.९२ %, लक्ष्मी उन्नति कोषको ५.२७%, हिम स्टार ऊर्जा कम्पनी लिमिटेडको ३.७४%, अपर हेवाखोला हाइड्रोपावर कम्पनी लि. को ३.६०% र सिद्धार्थ इक्विटी फण्डको ३.५४% ले सेयर मूल्य बढेको हो ।
त्यसैगरि, सोलु हाइड्रोपावरको सर्वाधिक सेयर खरिदबिक्री भएको छ । कम्पनीको आज ४४ करोड ८७ लाख रुपैयाँमाथिको कारोबार भएको छ ।
रिडी पावरको ३३ करोड ६७ लाख, ङादी ग्रुप पावरको १७ करोड ८६ लाख, खानीखोला हाइड्रोपावरको १३ करोड ७७ लाख, फर्स्ट माइक्रो फाइनान्सको ११ करोड ७३ लाख रुपैयाँमाथिको कारोबार भएको छ ।
