अमेरिकी डलरको मूल्य लगातार उच्च बिन्दुमा, कुन देशको मुद्राको सटही दर कति ?

काठमाडौँ । अमेरिकी डलरको मूल्य लगातार तेस्रो दिन पनि बढेको छ । अमेरिकी राष्ट्रपतिमा डोनाल्ड ट्रम्पको जीतसँगै बढेको अमेरिकी डलरको मूल्य आज शनिवारका दिन समेत बढेको हो । नेपाल राष्ट्र बैंकका अनुसार यस दिन डलरको बिक्रीदर १३५ रुपैयाँ ३१ पैसा रहेको छ भने खरिददर १३४ रुपैयाँ ७१ पैसा रहेको छ। यो मूल्य आजसम्मकै उच्च हो ।

शुक्रबार डलरको यस्तो दर क्रमशः १३५ रुपैयाँ ३० पैसा र १३४ रुपैयाँ ७० पैसा थियो। अघिल्लो दिनको तुलनामा यस दिन डलरको मूल्य १ पैसा बढेको हो। त्यसैगरी, यस दिन युरोपियन युरो एकको खरिदमा भने १४५ रुपैयाँ ४२ पैसा र बिक्रीमा १४६ रुपैयाँ ७ पैसा कायम रहेको छ ।

बेलायती पाउण्ड स्टर्लिङ एकको खरिददर आज १७४ रुपैयाँ ७७ पैसा र बिक्रीदर १७५ रुपैयाँ ५४ पैसा तोकिएको छ। त्यसैगरी, अष्ट्रेलियन डलर एकको खरिददर आज ८९ रुपैयाँ ४७ पैसा र बिक्रीदर ८९ रुपैयाँ ८७ पैसा तोकिएको छ। क्यानेडियन डलर एकको खरिदमा भने ९७ रुपैयाँ २ पैसा र बिक्रीमा ९७ रुपैयाँ ४५ पैसा रहेको नेपाल राष्टबैंकले जनाएको छ ।

यस दिन कतारी रियाल एकको खरिदमा ३६ रुपैयाँ ९५ पैसा र बिक्रीमा ३७ रुपैयाँ १२ पैसा पाइन्छ। राष्ट्र बैंकले साउदी अरेबियन रियाल एकको खरिददर आज ३५ रुपैयाँ ८७ पैसा र बिक्रीदर ३६ रुपैयाँ ३ पैसा तोकेको छ। भने युएई दिराम एकको खरिदमा ३६ रुपैयाँ ६८ पैसा र बिक्रीमा ३६ रुपैयाँ ८४ पैसा रकेको नेपाल राष्ट्रबैंकले जनाएको छ ।