काठमाडौं – आजदेखि नवरात्र प्रारम्भ भएको छ। नवरात्रको पहिलो दिन घर–घरमा घटस्थापना गरिन्छ। आश्विन शुक्ल प्रतिपदादेखि बडा दसैंको श्रृङ्खला सुरु भएको मानिन्छ। यस अवसरमा आज सार्वजनिक बिदा रहेको छ।
यद्यपि सार्वजनिक बिदाको दिन भए पनि बैंकिङ सेवामा व्यवधान नपरोस् भनेर अधिकांश वाणिज्य बैंकहरूले आफ्ना ग्राहकको सुविधा सुनिश्चित गर्दै सेवा प्रदान गरेका छन्।
बैंकहरूले सबै शाखा सञ्चालन नगरे पनि, केही मुख्य शाखा मार्फत आवश्यक बैंकिङ्ग सेवा उपलब्ध गराइरहेका छन्। यसरी, ग्राहकले धनराशि निकासा, भुक्तानी र अन्य आवश्यक सेवा सहज रूपमा पाउन सक्ने बैंक अधिकारीहरूले जानकारी दिएका छन्।
