काठमाडौँ । पछिल्लो समय बैंक वित्तीय संस्थामा बजारमा देखिएको आर्थिक शिथिलताको प्रत्यक्ष असर र प्रभाव देखिएको छ। आर्थिक मन्दी र बढ्दो महँगीको कारण समयमा लगानी नउठ्दा बैंकहरुको खराब कर्जामा झन् वृद्धि हुँदै गएको छ ।
गत आर्थिक वर्ष २०८१।८२ को असार मसान्तसम्मको तथ्यांक अनुसार वाणिज्य बैंकहरुको खराब कर्जा १२.९२ प्रतिशतले बढेको छ।
साथै, आव २०८१/८२ को असार मसान्तसम्म १३ वटा बैंकहरुको खराब कर्जा बढेको छ भने बाकी सात बैंकको खराब कर्जामा गिरावट देखिएको छ । जस अनुसार यस अवधिमा एनआईसी एशिया बैंकको खराब कर्जा सर्वाधिक बढेको छ ।
अघिल्लो आवमा ३.४५ प्रतिशत रहेको एनआईसी एशियाको खराब कर्जा यस अवधिसम्म बढेर २.८३ प्रतिशतले बढेर ६.२८ प्रतिशत पुगेको छ। त्यस्तै प्राइम कमर्सियल, कुमारी, नेपाल इन्भेष्टमेन्ट मेगा, हिमालयन बैंक र एनआईसी एशयिा बैंकको खराब कर्जा ५ प्रतिशत भन्दा माथि रहेको छ।
भने खराब कर्जा घटाएका बैंकहरुमा नबिल बैंक, लक्ष्मी सनराइज बैंक, राष्ट्रिय वाणिज्य बैंक, माछापुच्छ्रे, स्ट्याण्डर्ड चार्टर्ड, एभरेष्ट बैंक र कृषि विकास रहेका छन् ।
