काठमाडौँ। कर्णाली डेभलपमेन्ट बैंकमा अर्बौै रकम घोटाला भएको प्रहरीको केन्द्रीय अनुसन्धान ब्युरो (सिआइबी) ले देखाएको छ।
सिआइबीले अनुसन्धान गरेको प्रतिवेदनमा कर्णाली डेभलपमेन्ट बैंकमा ३ अर्ब २० करोड रुपैयाँ घोटाला भएको खुल्न आएको छ । सिआइबीकै प्रतिवेदन अनुसार सवा ३ अर्ब रुपैयाँ घोटाला भएको र १११ जनालाई प्रतिवादी बनाउनुपर्ने निष्कर्ष निकालिएको छ।
सिआइबीका अनुसार बैंकले निक्षेपकर्ताको झण्डै ५ अर्ब रुपैयाँमध्ये ३ अर्ब २० करोड रुपैयाँ बैंकको भल्टबाट नै विभिन्न नक्कली कागजात बनाई बाहिर निकालिएको निष्कर्ष रहेको छ।
बस्नेत राष्ट्र बैंकको अधिकृत प्रथम (निर्देशक) पदबाट अवकाश भएका कर्मचारी हुन् । प्रतिवादीमध्ये ४ जना पक्राउ परेको र ३ जनाको मृत्यु भइसकेको छ भने १०४ जना फरार प्रतिवादी रहेको सिआइबीको अध्ययनले देखाएको छ। उनीहरू विरुद्ध पक्राउ पुर्जी जारी भइसकेको सिआइबीले आफ्नो प्रतिवेदनमा उल्लेख गरेको छ ।
