काठमाण्डौ। एकाएक कीर्तिमानी कायम गरेको सुनको मूल्यमा लगातार दोस्रो दिन समेत गिरावट आएको छ । अघिल्लो दिनको तुलनामा आज सुनको मूल्य १ हजार १ सय रुपैयाँले सस्तिएको हो।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ६१ हजार रुपैयाँ कायम भएको छ । अघिल्लो दिन ७ हजार ९ सयले घटेको सुनको मूल्य प्रतितोला २ लाख ६२ हजार १ सय रुपैयाँमा कारोबार भएको थियो।
यस्तै आज चाँदीको भाउ पनि ओरालो लागेको छ । चाँदी आज १२० रुपैयाँले घट्दै प्रतितोला ४ हजार ४७० रुपैयाँमा सीमित बनेको महासंघले जनाएको छ ।
