काठमाडौं । कुमारी बैंक लिमिटेड र नयाँ दिल्लीस्थित इन्द्रप्रस्थ मेडिकल कर्पोरेशन लिमिटेडबीच विशेष छुटसम्बन्धी सम्झौता भएको छ। अब कुमारी बैंकका ग्राहकहरूले उक्त अस्पतालमा उपचार गराउँदा अधिकतम १० प्रतिशतसम्म छुट पाउने छन् ।
सम्झौताअनुसार बैंकका ग्राहकहरूले इनपेशेन्ट (भर्ना भई उपचार लिने) र आउटपेशेन्ट (बाहिरी सेवा) दुवै सेवामा छुटको लाभ लिन सक्नेछन्।
२४ वर्षदेखि बैंकिङ सेवा प्रदान गर्दै आएको कुमारी बैंकले स्वास्थ्यलाई संस्थागत प्राथमिकतामा राख्दै विभिन्न अस्पतालहरूसँग सहकार्य गर्दै आएको छ।
हाल बैंकले देशभर ३०२ शाखा, ३१८ एटिएम, ५० एक्सटेन्सन काउन्टर र ४८ शाखारहित बैंकिङ इकाइमार्फत सेवा दिँदै आएको छ।
ग्राहकको स्वास्थ्य सुरक्षालाई संस्थागत जिम्मेवारीका रूपमा लिँदै, बैंकले स्वदेश तथा विदेशका प्रतिष्ठित अस्पतालहरूसँग साझेदारी गर्दै आएको छ । बैंकले समयअनुसार सेवामा सुधार ल्याउने र थप सुविधा विस्तार गर्दै जाने प्रतिबद्धता जनाएको छ।
