काठमाडौं । कृषि विकास बैंक लिमिटेडले आफ्ना शेयरधनीहरूलाई कुल १३ प्रतिशत लाभांश वितरण गर्ने निर्णय गरेको छ।
बैठकले चुक्ता पूँजीको ३.२५ प्रतिशत बोनस शेयर र ९.७५ प्रतिशत नगद लाभांश प्रदान गर्ने निर्णय गरेको हो।
त्यसका साथै, नेपाल सरकारको नाममा हाल कायम रहेको फिर्ता नहुने अग्राधिकार शेयर पूँजीमा वार्षिक ६ प्रतिशतका दरले नगद लाभांश दिने निर्णय पनि गरिएको बैंकले जनाएको छ।
बैंकका अनुसार, यी प्रस्तावहरू नेपाल राष्ट्र बैंकको स्वीकृति प्राप्त भएपछि र आगामी साधारणसभाबाट पारित भएपछि कार्यान्वयनमा आउनेछन्।
