काठमाडौं। लगातार पाँच कम्पनीले आफ्ना सेयरधनीका लागि लाभांश घोषणा गरेका छन्। लाभांश सार्वजनिक गर्नेमा तीन इन्स्योरेन्स र दुई लघुवित्त कम्पनी परेका छन्। डिप्रोक्स लघुवित्त र फर्स्ट माइक्रोफाइनान्सले मंसिर २४ गते र सिटिजन लाइफ, नेपाल लाइफ इन्स्योरेन्स तथा आइजीआई प्रुडेन्सियल इन्स्योरेन्सले मंसिर २५ गते लाभांश प्रस्ताव सार्वजनिक गरेका हुन्।
सिटिजन लाइफ इन्स्योरेन्स लिमिटेडले आर्थिक वर्ष ०८१/८२ को नाफाबाट २० प्रतिशत नगद लाभांश (करसहित) वितरण गर्ने प्रस्ताव गरेको छ।
आइजीआई प्रुडेन्सियल इन्स्योरेन्सले आर्थिक वर्ष २०८१/८२ को मुनाफाबाट ५ प्रतिशत नगद लाभांश (करसहित) दिने निर्णय गरेको छ। लघुवित्त समूहतर्फ, डिप्रोक्स लघुवित्त वित्तीय संस्था लिमिटेडले १० प्रतिशत बोनस सेयर र ५ प्रतिशत नगद गरी कुल १५ प्रतिशत लाभांश वितरण गर्ने प्रस्ताव सार्वजनिक गरेको छ।
साथै, फर्स्ट माइक्रोफाइनान्सले यस वर्ष १० प्रतिशत बोनस सेयर र ६.५ प्रतिशत नगद लाभांश (करसहित) प्रस्ताव गर्दै कुल लाभांश दर सार्वजनिक गरेको छ। एकैदिनमा पाँच कम्पनीले लाभांश घोषणा गरेसँगै पूँजी बजारमा लगानीकर्ताको चासो थप बढ्ने अपेक्षा गरिएको छ।
