काठमाडौँ। दशैं, तिहार र छठ पर्वको अवसरमा मोबाइल वालेटमा रकम जम्मा गर्ने सीमा बढाइएको छ। नेपाल राष्ट्र बैंकले चाडपर्वलाई लक्षित गर्दै भुक्तानी सेवा प्रदायकहरूमार्फत वालेटमा दिनमा ४० पटकसम्म रकम जम्मा गर्न मिल्ने व्यवस्था गरेको छ।
यसअघि इसेवा, खल्ती, माइपेलजस्ता वालेटमा दैनिक अधिकतम १० पटक मात्र रकम जम्मा गर्न पाइन्थ्यो। नयाँ सुविधा सिमित अवधिका लागि मात्र लागु हुने गरी घोषणा गरिएको छ।
बडा दशैंको अवसरमा यो सुविधा असोज १३ गतेदेखि २१ गतेसम्म लागू हुनेछ भने दिपावली तथा छठ पर्वको अवसरमा कार्तिक ३ गतेदेखि १० गतेसम्म वालेटमा दैनिक ४० पटक रकम जम्मा गर्न सकिने व्यवस्था गरिएको छ।
