दुई महिनामै वाणिज्य बैंकहरूले कमाए साढे १६ अर्ब नाफा, आधा बैंकको नाफा घट्यो ?

काठमाडौं । चालु आर्थिक वर्ष २०८२/८३ को पहिलो दुई महिनामा वाणिज्य बैंकहरूले करिब साढे १६ अर्ब रुपैयाँ नाफा कमाएका छन्। राष्ट्र बैंकको पछिल्लो तथ्यांकअनुसार २० वाणिज्य बैंकहरूको समग्र नाफा १६ अर्ब ५९ करोड ७८ लाख ४० हजार रुपैयाँ रहेको छ।

तर, यो नाफा अघिल्लो आर्थिक वर्षको सोही अवधिको तुलनामा भने ६.१८ प्रतिशतले घटेको हो।

राष्ट्र बैंकका तथ्यांकअनुसार, चालु आर्थिक वर्षको पहिलो दुई महिनामा १० बैंकको नाफा घटेको छ भने बाँकी १० बैंकले नाफा वृद्धि गर्न सफल भएका छन्।

सबैभन्दा बढी नाफा ग्लोबल आइएमई बैंकको

भदौ मसान्तसम्मको अवधिमा सर्वाधिक नाफा कमाउने बैंकको सूचिमा ग्लोबल आइएमई बैंक शीर्ष स्थानमा परेको छ।

नबिल र नेपाल इन्भेष्टमेन्ट मेगाको नाफा घट्यो

दोस्रो स्थानमा रहेको नबिल बैंकले चालु आर्थिक वर्षको पहिलो दुई महिनामा १ अर्ब ३२ करोड ७१ लाख रुपैयाँ नाफा आर्जन गरेको छ। तर यो नाफा अघिल्लो वर्षको तुलनामा २०.०९ प्रतिशतले घटेको हो। गत वर्ष नबिलले १ अर्ब ६६ करोड रुपैयाँ नाफा कमाएको थियो।

तेस्रो स्थानमा रहेको नेपाल इन्भेष्टमेन्ट मेगा बैंकले १ अर्ब २६ करोड रुपैयाँ नाफा गरेको छ, जुन अघिल्लो वर्षको तुलनामा १०.५१ प्रतिशतले घटेको हो।

सिद्धार्थ र एनएनबी बैंक आक्रामक वृद्धि

समीक्षा अवधिमा केही बैंकहरूले उल्लेखनीय वृद्धि देखाएका छन्। सिद्धार्थ बैंकको नाफा ४०.१८ प्रतिशतले बढेर ८४ करोड ९० लाख रुपैयाँ पुगेको छ भने एनएनबी बैंकको नाफा ३२ प्रतिशतले बढेर १ अर्ब ३ करोड रुपैयाँ पुगेको छ। त्यस्तै, प्राइम बैंकले पनि अघिल्लो वर्षको तुलनामा ७.३९ प्रतिशत नाफा वृद्धि गर्दै १ अर्ब ४ करोड रुपैयाँ नाफा कमाएको छ।

                                               अन्य बैंकहरूको नाफा स्थिति