काठमाण्डौ । नेशनल माईक्रो फाइनान्स लघुवित्तले एनआरएन इन्फ्रास्ट्रक्चर एण्ड डेभलपमेन्ट लिमिटेडको स्वामित्वमा रहेको संस्थाको संस्थापक सेयर बिक्रीमा राखेको छ । संस्थाले आजदेखि १ लाख ७ हजार ४८४ कित्ता संस्थापक सेयर बिक्रीमा राखेको हो ।
यो सेयर खरिदका लागि कम्पनीका विद्यमान संस्थापक सेयरधनीहरुले मात्रै खरिद आवेदन दिन सक्नेछन् । इच्छुक संस्थापक सेयरधनीले सूचना प्रकाशित भएको ३५ दिन भित्र आवेदन दिनु पर्नेछ ।
यस्तो आवेदन धादिङमा रहेको संस्थाको केन्द्रीय कार्यालयमा दिनु पर्नेछ ।
उक्त अवधिभित्र कुनै आवेदन नआएमा संस्थापक सेयरधनी बाहेकका सर्वसाधारणलाई सेयर बिक्री गरिनेछ ।
