वाणिज्य बैंकको कमिशन आम्दानी ११.९२ % ले बढ्यो, कुन बैंकको कति ? (सूचिसहित)

काठमाडौं । बैंकहरूले विभिन्न वित्तीय सेवा उपलब्ध गराउँदा लिने कमिशन तथा छुट  वाणिज्य बैंकहरूको आम्दानीको महत्वपूर्ण स्रोत बनेको छ। चालु आर्थिक वर्ष २०८२/८३ को पहिलो चार महिनामै वाणिज्य बैंकहरूले यस शीर्षकबाट दोहोरो अंकको वृद्धि सहित उल्लेख्य आम्दानी गरेका छन्।

नेपाल राष्ट्र बैंकले सार्वजनिक गरेको तथ्यांकअनुसार २० वटा वाणिज्य बैंकहरूले कात्तिक मसान्तसम्म कमिशन तथा छुट वापत कुल १३ अर्ब ५ करोड ९० लाख रुपैयाँ आम्दानी गरेका छन्। यो रकम अघिल्लो आर्थिक वर्ष २०८१/८२ को सोही अवधिको तुलनामा ११.९२ प्रतिशतले बढी हो।

बैंकगत विवरण हेर्दा, नबिल बैंक कमिशन आम्दानीमा अग्रस्थानमा देखिएको छ। बैंकले कात्तिक मसान्तसम्म १ अर्ब ३२ करोड ८५ लाख रुपैयाँ आम्दानी गरेको छ, जुन गत आवको तुलनामा ०.८८ प्रतिशतले वृद्धि हो। यस्तै, ग्लोबल आईएमई बैंकले १ अर्ब ३८ करोड ४६ लाख रुपैयाँ, कुमारी बैंकले १ अर्ब १३ करोड १७ लाख रुपैयाँ र एनएमबी बैंकले १ अर्ब ३ करोड ५९ लाख रुपैयाँ कमिशन आम्दानी गरेका छन्।

सरकारी स्वामित्वका बैंकतर्फ हेर्दा, नेपाल बैंकको कमिशन आम्दानी भने घटेको छ। बैंकले कात्तिक मसान्तसम्म ३८ करोड ३६ लाख रुपैयाँ आम्दानी गरेको छ, जुन अघिल्लो वर्षको तुलनामा १३.२४ प्रतिशतले कम हो। विपरीत रूपमा, राष्ट्रिय वाणिज्य बैंकले ९ करोड ७७ लाख रुपैयाँ आम्दानी गर्दै १३.९८ प्रतिशतको वृद्धि दर्ता गरेको छ।

त्यस्तै, नेपाल इन्भेष्टमेन्ट मेगा बैंकको कमिशन आम्दानी ३.७३ प्रतिशतले बढेर ६० करोड ८ लाख रुपैयाँ पुगेको छ। जबकि स्ट्याण्डर्ड चार्टर्ड बैंकको आम्दानी २.३९ प्रतिशतले घट्दै ६० करोड ४ लाख रुपैयाँमा सीमित भएको छ।

अन्य बैंकहरूको कमिशन आम्दानी यस प्रकार रहेको छः