काठमाडौँ । साताको पहिलो कारोबारका दिन आज शेयर बजारमा दोहोरो अंकले गिरावट आएको छ । पछिल्लो समय निरन्तर बढेको शेयर बजारमा आज पहिलो कारोबारको दिन करेक्सन आएको हो । नेप्से परिसूचक सहित आज कारोबारमा समेत गिरावट आएको हो ।
आज घटेको शेयर बजार अब भने आगामी बुधवार मात्रै खुल्ने भएको छ ।
भोली भदौ ३ गते सोमबार र ४ गते मङ्गलवारका दिन सार्वजनिक बिदा परेको कारण शेयर बजार २ दिन बन्द हुने भएको हो ।
सोमबार सरकारले रक्षा बन्धनमा सार्वजनिक बिदा दिएको छ । यसका साथै, गृह मन्त्रालयले मङ्गलवार गाईजात्राको अवसरमा काठमाडौँ उपत्यकामा बिदा दिने भएको छ । शेयर बजारसँगै बैंक तथा वित्तीय संस्था समेत उक्त दिन बन्द रहने छ भने केही बैंकले भने आफ्नो नियमित सेवा दिने जनाएका छन् ।
यससँगै शेयर बजार अब बुधवार मात्र खुल्ने भएको हो । अब यो साता बुधवार र बिहीबार मात्र शेयर कारोबार हुनेछ ।
