काठमाडौँ । सांग्रिला डेभलपमेन्ट बैंक लिमिटेडले गत आर्थिक वर्षका लागि सेयरधनीलाई आकर्षक दरमा लाभांश वितरण गर्ने निर्णय गरेको छ। कात्तिक २८ गते बसेको सञ्चालक समितिको बैठकले आर्थिक वर्ष २०८०/८१ का लागि लाभांश प्रस्ताव पारित गरेको हो।
बैंकका अनुसार सेयरधनीलाई ५ प्रतिशत बोनस सेयर तथा बोनस सेयरमा लाग्ने कर सहित ५.३५८३ प्रतिशत नगद लाभांश प्रदान गरिनेछ।
यसअनुसार सेयरधनीले कुल १०.३५८३ प्रतिशत लाभांश प्राप्त गर्नेछन्।
बैठकले प्रस्तावित लाभांश तथा सोसँग सम्बन्धित वित्तीय विवरणलाई स्वीकृतिका लागि नेपाल राष्ट्र बैंकमा पठाउने निर्णय गरेको छ। साथै, आगामी २१औँ वार्षिक साधारण सभाबाट अनुमोदन भएपछि लाभांश वितरण प्रक्रिया सुरु हुने बैंकले जनाएको छ।
