साढे तीन दशकको अनुभवसहित बस्यालले सम्हाले सिद्धार्थ बैंकको नेतृत्व

काठमाडौं। सिद्धार्थ बैंक लिमिटेडको प्रमुख कार्यकारी अधिकृत (सीईओ) पदमा रामेश्वर प्रसाद बस्याल नियुक्त भएका छन्। बैंक सञ्चालक समितिको बैठकले उनलाई सीईओमा नियुक्त गर्ने निर्णय गरेको हो। बैंकिङ क्षेत्रमा साढे तीन दशकभन्दा बढी अनुभव रहेका बस्यालले अब सिद्धार्थ बैंकको नेतृत्व सम्हाल्ने भएका छन्।

नवनियुक्त सीईओ बस्याल सन् २००५ देखि सिद्धार्थ बैंकसँग आबद्ध रहँदै आएका छन्।

बैंकिङ क्षेत्रका विभिन्न तहमा साढे तीन दशक लामो अनुभव सँगालेका बस्याल रणनीतिक व्यवस्थापन, जोखिम व्यवस्थापन, कर्जा तथा सञ्चालन सुधारका क्षेत्रमा अनुभवी मानिन्छन्।