साताभर प्रतितोला १३ सयले सस्तियो सुनको मूल्य, यस्तो छ बजार भाउ घट्नुको कारण

काठमाडौं । नेपाली बजारमा यस साता सुन र चाँदी दुवैको मूल्यमा सामान्य गिरावट आएको छ। साताको पहिलो दिन आइतबार तोलाको रु २ लाख ३९ हजार ७०० मा कारोबार भएको सुन शुक्रबारसम्म आइपुग्दा २ लाख ३८ हजार ४०० रुपैयाँ कायम भएको छ।

यसरी हेर्दा साताभरमा सुनको मूल्य प्रतितोला रु १ हजार ३०० ले घटेको हो। त्यस्तै, चाँदीको मूल्यमा पनि गिरावट आएको छ।

पछिल्ला दिनमा भूराजनीतिक तनावमा कमी, अमेरिकी डलरको दरमा सुधार, र अन्तर्राष्ट्रिय बजारमा सुनप्रतिको माग घट्नु जस्ता कारणले विश्व बजारमा सुनको मूल्यमा दबाब आएको सोही प्रभाव नेपाली बजारमा पनि परिरहेको जानकारहरुको भनाई छ।