काठमाडौँ। साताको पहिलो कारोबारका दिन आज नेपाली बजारमा सुनको मूल्यमा वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला २०० रुपैयाँले बढेको हो ।
आज बढेको सुनको मूल्य तोलाको दुई लाख ३८ हजार ६०० रुपैयाँ कायम भएको छ । महासंघका अनुसार शुक्रवारसम्म सामान्य देखिएको सुनको मूल्य आज पुनः उकालो लागेको हो।
विगत केही दिनयता अन्तर्राष्ट्रिय बजारमा सुनको मूल्यमा देखिएको उतार–चढाव र अमेरिकी डलरको विनिमय दरमा आएको परिवर्तनले नेपाली बजारमा समेत प्रभाव पारेको व्यवसायीहरूको भनाइ छ।
यता, चाँदीको मूल्यमा भने सामान्य गिरावट आएको छ । चाँदी पाँच रुपैयाँले घटेर प्रतितोला ३ हजार १५ रुपैयाँमा कारोबार भएको छ । नेपाल सुनचाँदी व्यवसायी महासंघले दैनिक रूपमा अन्तर्राष्ट्रिय बजारको मूल्य र विनिमय दरका आधारमा देशभरका लागि सुनचाँदीको मूल्य निर्धारण गर्ने गर्दछ।
