काठमाडौँ। नेपाली बजारमा आज सुनको मूल्य घटेको छ। अघिल्लो दिन वृद्धि भएको सुनको भाउ आज फेरि ओरालो लागेको हो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ५१ हजार ९ सय रुपैयाँ निर्धारण गरिएको छ । अघिल्लो दिनको तुलनामा आज १ हजार रुपैयाँले मूल्य घटेको हो ।
अघिल्लो दिन ७ सय रुपैयाँले बढ्दै सुनको मूल्य २ लाख ५२ हजार ९ सय रुपैयाँमा पुगेको थियो।
यता चाँदीको मूल्य भने आज वृद्धि भएको छ। प्रतितोला १५ रुपैयाँले बढ्दै चाँदीको मूल्य ३ हजार ६ सय रुपैयाँ पुगेको महासंघले जनाएको छ। पछिल्ला केही दिनदेखि चाँदीको मूल्य स्थिर देखिएको भए पनि आज पुनः वृद्धि भएको हो।
अन्तर्राष्ट्रिय बजारको उतार–चढाव र मुद्रा विनिमय दरमा आएको परिवर्तनले सुनको मूल्यमा नियमित हेरफेर भइरहेको व्यवसायीहरूको भनाइ छ।
