काठमाडौँ। नेपाली बजारमा अघिल्लो दिन एकाएक आकाशियको सुनचाँदीको मूल्यमा आज गिरावट आएको छ। नेपाल सुनचाँदी व्यवसायी महासंघका अनुसार सुनको मूल्य तोलामा ५०० रुपैयाँले घटेको छ।
मूल्य घटेसँगै आज छापावाल सुन प्रतितोला २ लाख ४९ हजार ७०० रुपैयाँमा कारोबार भइरहेको छ। सुनको मूल्यमा आएको यो घटावट अन्तर्राष्ट्रिय बजारमा देखिएको उतार–चढाव तथा स्थानीय माग–पुरवठाको प्रभावका कारण भएको व्यवसायीहरूको भनाइ छ।
यता, चाँदीको मूल्य पनि घटेको छ। चाँदी प्रतितोला ६० रुपैयाँले सस्तिएको छ र आज यसको मूल्य प्रतितोला ३ हजार २८५ रुपैयाँ पुगेको छ। अन्तर्राष्ट्रिय बजारमा देखिएको उतार–चढाव कायमै रहेको कारण सुनचाँदीको मूल्य थप बढ्न सक्ने सम्भावना कायमै रहेको महासंघको भनाई छ।
