काठमाडौँ । नेपाली बजारमा सुनको मूल्यले आज फेरि नयाँ रेकर्ड बनाएको छ । आज सुन तोलामा ७०० र चाँदी तोलामा ७० रुपैयाँले बढेको छ ।
आज छापावाला सुनको प्रतितोला मूल्य २ लाख २३ हजार २०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
गत शुक्रवार भने सुन प्रतितोला २ लाख २२ हजार ५०० रुपैयाँमा किनबेच भएको थियो।
तर त्यस अगाडि सुनको मूल्यले २ लाख २३ हजार रुपैयाँको नयाँ रेकर्ड बनाएको थियो।
यता चाँदीको भाउ पनि तोलामा २ हजार ८१० रुपैयाँ पुगेको महासंघले जनाएको छ । गत शुक्रवार चाँदी प्रतितोला २ हजार ७४० रुपैयाँका दरले कारोबार भएको थियो।
