काठमाडौँ। नेपाली बजारमा आज सुन–चाँदी दुवैको मूल्यमा गिरावट आएको छ। पछिल्लो समय सुनचाँदीको मूल्य घट्नेबढ्ने क्रम निरन्तर रुपमा चुलिएको छ।
नेपाल सुनचाँदी व्यवसायी महासंघका अनुसार आज सुनको मूल्य तोलामा १ हजार ३०० रुपैयाँले घटेको हो। यसअघि उच्चदरमा कारोबार भइरहेको छापावाला सुन आज प्रतितोला २ लाख ४१ हजार ७०० रुपैयाँमा झरेको छ।
यता, चाँदीको मूल्य पनि ओरालो लागेको छ। चाँदी आज तोलामा ८५ रुपैयाँले घटेर प्रतितोला ३ हजार १०० रुपैयाँमा कारोबार भइरहेको महासंघले जनाएको छ।
सुन–चाँदी दुवैको मूल्य घटेकाले बजारमा केही समय स्थिरता आउने अपेक्षा गरिए पनि, अन्तर्राष्ट्रिय आर्थिक सूचकहरूमा आउने परिवर्तनले मूल्य फेरि पनि उतार–चढाव हुन सक्ने व्यवसायीहरूको अनुमान छ।
