काठमाण्डौ। नेपाली बजारमा सुनको मूल्य आज पनि घटेको छ। नेपाल सुनचाँदी व्यवसायी महासंघका अनुसार आज सुनको भाउ अघिल्लो दिनको तुलनामा प्रतितोला १ हजार ४ सय रुपैयाँले घटेर २ लाख ५९ हजार ६ सय रुपैयाँमा कारोबार भइरहेको छ।
यसअघि पनि सुनको मूल्यमा गिरावट आएको थियो, जसले पछिल्ला दिनहरूमा सुनको भाउ निरन्तर दबाबमा रहेको देखाएको छ। उता चाँदीको मूल्यमा पनि आज गिरावट देखिएको छ।
आज चाँदीको भाउ प्रतितोला ५५ रुपैयाँले घटेर ४ हजार ४ सय १५ रुपैयाँ कायम भएको महासंघले जनाएको छ।अन्तर्राष्ट्रिय बजारको प्रभाव र स्थानीय माग–आपूर्तिको अवस्थाका कारण सुनचाँदीको मूल्यमा उतार–चढाव देखिँदै आएको व्यवसायीहरूको भनाइ छ।
