काठमाडौँ। स्थानीय बजारमा सुनको मूल्य आज पुनः उकालो लागेको छ। नेपाल सुनचाँदी व्यवसायी महासंघका अनुसार बुधबारको कारोबारमा सुनको मूल्य ८ सय रुपैयाँले वृद्धि हुँदै प्रतितोला २ लाख ५४ हजार १ सय रुपैयाँ पुगेको छ।
यसअघि मंगलबार सुनको मूल्य ३ सय रुपैयाँले घट्दै प्रतितोला २ लाख ५३ हजार ३ सय रुपैयाँमा झरेको थियो। मूल्य एक दिनमै घटेर फेरि बढेकाले बजारमा सुनको दर अस्थिर बनेको देखिएको छ।
सुनसँगै आज चाँदीको मूल्यमा पनि वृद्धि भएको छ। चाँदी ११० रुपैयाँले बढेर प्रतितोला ३ हजार ६५५ रुपैयाँमा कारोबार भइरहेको महासंघले जनाएको छ।
