काठमाडौँ । नेपाली बजारमा सुनको मूल्य घट्ने क्रम सोमबार पनि रोकिएको छैन। आज पनि सुनको मूल्यमा उल्लेखनीय गिरावट आएको हो, जसका कारण सुनको मूल्य ३ लाख रुपैयाँभन्दा तल झरेको छ।
आज सुन प्रतितोला १३ हजार ४ सय रुपैयाँले घटेर २ लाख ८६ हजार ६ सय रुपैयाँमा कारोबार भइरहेको छ। आइतबार पनि सुनको भाउ १८ हजार ८ सय रुपैयाँले घट्दै प्रतितोला ३ लाख रुपैयाँमा सीमित भएको थियो।
यसैबीच, चाँदीको मूल्यमा पनि गिरावट आएको छ। आज चाँदी प्रतितोला ३ सय रुपैयाँले घटेर ५ हजार २ सय रुपैयाँमा कारोबार भइरहेको छ।
