काठमाडौँ । पिपुल्स पावर लिमिटेडको विद्युत् बिक्री आम्दानी वृद्धि भए पनि खर्च नियन्त्रण गर्न नसक्दा कम्पनीको नाफा घटेको छ। चालु आर्थिक वर्षको पहिलो त्रैमासमा कम्पनीले १ करोड २६ लाख रुपैयाँ खुद नाफा आर्जन गरेको छ ।
यो नाफा अघिल्लो वर्षको समान अवधिको तुलनामा २६.७१ प्रतिशतले कम हो।
यस अवधिमा कम्पनीको प्रशासनिक खर्च ३०९.३२ प्रतिशतले बढ्दै ३९ लाख ९५ हजार रुपैयाँ पुगेको छ। यद्यपि, वित्तीय खर्च भने ७६ लाख २५ हजार रुपैयाँबाट घटेर २८ लाख ९७ हजार रुपैयाँमा झरेको छ। कम्पनीको रिजर्भ घाटा ६५ लाख ६३ हजार रुपैयाँमा सीमित हुँदा यो अझै ऋणात्मक अवस्थामा रहेको छ। कम्पनीको कुल चालु सम्पत्ति ११ करोड ९९ लाख रुपैयाँ र कुल चालु दायित्व २१ लाख २९ हजार रुपैयाँ रहेको छ।
आर्थिक सूचकांकतर्फ, समीक्षा अवधिमा कम्पनीको प्रतिसेयर आम्दानी (EPS): ५.३२ रुपैयाँ , प्रतिसेयर नेटवर्थ: १०६.२० रुपैयाँ , प्रतिसेयर कुल सम्पत्तिको मूल्य: १०६.४३ रुपैयाँ र तरलता अनुपात: ५६.३२ प्रतिशत कायम भएको कम्पनीले जनाएको छ।
