काठमाडौं । कुमारी बैंक लिमिटेडले केहि बैंक खाताहरू बन्द गर्ने भएकाे छ । कुमारी बैंकमा खोलिएका १० वर्षदेखि शून्य मौज्दात रही कारोबार नभएका खाताहरु बैंकले बन्द गर्ने भएको हाे ।
१० वर्षदेखि शून्य मौज्दात रही कारोबारमा नआएका खाताहरुको नाम सहितको विवरण बैंकको आधिकारिक वेवसाईट www.kumaribank.com मा राखिएको बैंकले जनाएको छ ।
विवरणमा नाम भएका खातावालाले आफ्नो बैंक खाता चालु राख्न चाहेमा नजिकको शाखा कार्यालयमा गई ३५ दिनभित्र खाता अद्यावधिक गर्न सक्ने बैंकले जनाएकाे छ ।
तोकिएको समयावधिभित्र सुचारु नभएका खाताहरु प्रचलित नियमानुसार बन्द हुने बैंकले जनाएकाे छ ।
