काठमाडौं । ग्लोबल आईएई बैंकले पुरानो लाभांश बुझिलिन शेयरधनीहरूलाई आग्रह गरेकाे छ । बैंकले विभिन्न वार्षिक साधारणसभाबाट पारित भएका ५ वर्ष भन्दा पुरानो नगद लाभांश हालसम्म पनि बुझिलिन बाँकी रहेका शेयरधनीलाई उक्त लाभांश बुझिलिन आग्रह गरेको हो ।
बैंकले आव २०६६/६७, २०६७/६८, २०६८/६९ र २०७०/७१ सम्म्को नगद लाभांश बुझिलिन आग्रह गरेको हो । सूचना प्रकाशित मितिले १ महिनाभित्र पनि आफ्नो बक्यौता नगद लाभांश बुझिनलिएमा सो लाभांश रकम ‘लगानीकर्ता संरक्षण कोष’ मा जम्मा हुने बैंकले जनाएको छ ।
बैंकका अनुसार लाभांश रकम बुझिलिन बाँकी रहेका शेयरधनीहरुको विवरण ग्लोबल बैंक तथा बैंकको शेयर रजिष्ट्रार ग्लोबल आईएमई क्यापीटल लिमिटेडको वेवसाइटमा राखिएको छ ।
