काठमाण्डौ। एनआईसी एशिया बैंक लिमिटेडले ५ वर्षभन्दा पुरानो नगद लाभांश बुझिलिन आग्रह गरेको छ ।
बैंकले साविकको नेपाल ईण्डष्ट्रियल एण्ड कमर्सियल बैंक तथा साविकको बैंक अफ एशिया नेपालले विभिन्न आवमा घोषणा गरेको नगद लाभांशमध्ये विगत ५ वर्षदेखि भुक्तानी हुन बाँकी रहेको देखिएकाल उक्त अवधिको लाभांश बुझिलिन आग्रह गरेको हो ।
आफ्नो परिचय खुल्ने कुनै परिचयपत्र वा सेयर बिक्रीको प्रमाण देखिने कागजातको प्रतिलिपी लिई बैंकको सेयर रजिष्ट्रार एनआईसी एशिया क्यापिटलका सम्पर्क गर्नुपर्नेछ । यस्ता सेयरधनीले सूचना प्रकाशित भएको १ महिनाभित्र लाभांश भुक्तानी लिन सक्नेछन् ।
यस्तै विगत १० वर्षदेखि चल्ती नभएका खाताहरुको हकमा सम्बन्धित खातावालाहरुलाई आवश्यक कागजातसहित यस बैंकको खाता रहेको शाखामा कारोबार समयमा सम्पर्क राखि आफ्नो खाता पुनःसुचारु गर्न समेत बैंकले सूचित गरेको छ ।
