काठमाडौँ । सातोको दोस्रो कारोबारका दिन नेपाली बजारमा सुनचाँदीको मूल्यमा गिरावट आएको छ । अन्तर्राष्ट्रिय बजारमा मूल्य घटेसँगै सोमबार सुनको भाउ प्रतितोला ६०० रुपैयाँ र चाँदी २० रुपैयाँ घटेको हो ।
कारोबारको अघिल्लो दिन अर्थात् आइतबारका दिन सुनको भाउ प्रतितोला १६ सय रुपैयाँ बढेको थियो । सोमबार प्रतितोला छापावाला सुन १ लाख ४२ हजार २०० रुपैयाँमा कारोबार भइरहेको छ।
नेपाल सुन चाँदी व्यवसायी महासंघका अनुसार सोमबार तेजाबी सुनको भाउ १ लाख ४१ हजार ५०० रुपैयाँमा कारोबार भइरहेको छ । आइतबार तेजाबी सुनको भाउ १ लाख ४२ हजार १०० रुपैयाँमा कारोबार भएको थियो।
सोमबार प्रतितोला चाँदीको मूल्य १ हजार ८०० रुपैयाँमा कारोबार भइरहेको छ। आइतबार प्रतितोला चाँदीको मूल्य १ हजार ८२० रुपैयाँमा कारोबार भएको थियो। अन्तर्राष्ट्रिय बजारमा सोमबार सुन प्रतिऔंस सुन २ हजार ३२४ दशमलव ०६ डलरमा कारोबार भइरहेको छ भने प्रतिऔंस चाँदी २९ डलर २५ पैसामा कारोबार भइरहेको छ ।
