काठमाडौं । नेपालको चालू खाता करिब १ खर्ब ४० अर्ब रुपैयाँले बचतमा छ। केन्द्रीय बैंकले चालु आवको ५ महिनाको तथ्याङ्क सार्वजनिक गर्दै चालू खाता १ खर्ब ४० अर्ब २३ करोड रुपैयाँले बचतमा रहेको जनाएको हो ।अघिल्लो वर्षको सोही अवधिमा भने मुलुकको चालू खाता ४१ अर्ब २१ करोड रुपैयाँले घाटामा थियो।
केन्द्रीय बैंकका अनुसार समीक्षा अवधिमा पूँजीगत ट्रान्सफर १७.२ प्रतिशतले कमी आई २ अर्ब ८७ करोड रुपैयाँ कायम छ भने खुद प्रत्यक्ष वैदेशिक लगानी ३ अर्ब ९२ करोड रुपैयाँले धनात्मक छ।
अघिल्लो वर्षको सोही अवधिमा भने पूँजीगत ट्रान्सफर ३ अर्ब ४७ करोड रुपैयाँ थियो भने खुद प्रत्यक्ष वैदेशिक लगानी ६० करोड ४९ लाखले धनात्मक रथियो।
यसैगरी, समीक्षा अवधिमा शोधनान्तर स्थिति २ खर्ब १० अर्ब ५९ करोड रुपैयाँले बचतमा छ। अघिल्लो वर्षको सोही अवधिमा भने शोधनान्तर स्थिति ४५ अर्ब ८६ करोड रुपैयाँले बचतमा थियो।
