काठमाडौं। प्रभु महालक्ष्मी लाइफ इन्स्योरेन्सले संस्थापक समूहको १ लाख ६२ हजार ९५० कित्ता शेयर लिलाम मार्फत् बिक्रीमा ल्याएको छ ।
कम्पनीले इच्छुक लगानीकर्ताले किन्न सक्ने गरी शेयर बिक्रीमा राखेको हो। खरीदकर्ताले प्रतिकत्ता न्यूनतम मूल्य १८० रुपैयाँलाई आधार मानेर बोलपत्र पेश गर्नु पर्नेछ कम्पनीले उल्लेख गरेको छ।
बोलपत्र पेश गर्दा सम्पूर्ण कित्ता खरीदका लागि आवेदन दिनुपर्ने कम्पनीले बताएको छ।आवेदन कात्तिक ७ देखि ९ गते कार्यालय समयभित्र पेश गरिसक्नु पर्ने सूचनामा उल्लेख छ ।
यो अवधिभित्र प्राप्त आवेदनहरू कात्तिक ११ गते बिहान ११ बजे बिक्री प्रबन्धक प्रभु क्यापिटल लिमिटेड, कमलादी–काठमाडौंमा खालिने कम्पनीले जनाएको छ ।
