काठमाडौँ। अघिल्लो दिन प्रतितोला एक सय रुपैयाँले बढेको सुनको मूल्य आज फेरी बढेको छ । नेपाली बजार आज सुनको मूल्य प्रतितोला ३०० रुपैयाँले बढेको हो।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक लाख ५० हजार ७०० रुपैयाँमा कारोबार भइरहेको छ ।
यता, चाँदीको मूल्य तोलामा १५ रुपैयाँले बढेको छ । चाँदी प्रतितोला एक हजार ८८० रुपैयाँमा खरिदबिक्री भइरहेको हो । सुनको मूल्य घट्ने कारण नभए पनि बढ्ने प्रशस्त आधार भएको कारण सुनको मूल्य थप वृद्धि हुने महासंघले जनाएको छ।
