काठमाडौं । नेपाल चिनी उद्योग संघले खुला सीमाका कारण भइरहेको चिनीको अनधिकृत आयात रोक्न सरकारसँग माग गरेको छ ।
गत सिजनमा स्वदेशमा नै उत्पादन भइरहेको चिनी उद्योगहरूमा मौज्दात रहेको भन्दै संघले सरकारसँग यस्तो माग गरेको हो ।
https://www.youtube.com/watch?v=K0rdwIZgFLk
अत्यधिक मात्रामा भइरहेको चिनीको अनधिकृत पैठारीका कारणले गर्दा चालु क्रसिङ सिजनमा उत्पादन हुने चिनी समेत समयमा नै बिक्री नभई मौज्दात रहने अवस्था आउन सक्ने संघको भनाई छ ।
स्वदेशी उद्योगबाट उत्पादित चिनी बिक्री हुन नसकी मौज्दात रहन जाँदा कृषकलाई समयमा नै उखुको भुक्तानी गर्न समस्या भएको संघको भनाई छ ।
यस्तै सीमावात अवैध रुपमा हुने चिनी आयातकै कारण स्वदेसमा सञ्चालित केही चिनी उद्योगहरू नै बन्द हुनै अवस्था आएको संघले जनाएको छ ।
यसका साथै चालु सिजनमा समयमै उद्योग सञ्चालन हुन नसकेमा लाखौं उखु किसानहरूको भविष्य समेत अन्योलमा पनसक्नेतर्फ समेत संघले सचेत गराएको छ ।
