काठमाडौं । बुटवल पावर कम्पनीले एफपीओ रद्द गर्दै हकप्रद शेयर जारी गर्ने भएको छ । चैत २२ गते शुक्रवार बसेको कम्पनी सञ्चालक समितिको बैठकले उक्त निर्णय गरेको हो।
कम्पनीले प्रिमियम मूल्यमा एक करोड कित्ता एफपीओ बिक्री गर्नका लागि धितोपत्र बोर्डसँग अनुमति मागेको थियो । उक्त एफपीओ प्रक्रिया रद्द गरी अब ४० प्रतिशत हकप्रद शेयर जारी गर्ने निर्णय भएको कम्पनीले बताएको छ ।
कम्पनीको हाल चुक्ता पुँजी ३ अर्ब ४० करोड ९० लाख ६४ हजार ६०० रुपैयाँ छ । चुक्ता पुँजीको ४० प्रतिशतले हुने एक अर्ब ३६ करोड ३६ लाख २५ हजार ८०० रुपैयाँ बराबरको हकप्रद जारी हुने भएको हो।
