काठमाडौं । विन्ध्यबासिनी हाइड्रोपावर डेभलपमेन्ट कम्पनी लिमिटेडले चालु आर्थिक वर्ष २०८२/८३ को पहिलो त्रैमासिक वित्तीय विवरण सार्वजनिक गरेको छ। प्रकाशित विवरणअनुसार कम्पनीले यस अवधिमा नाफामा उल्लेखनीय सुधार गरेको छ ।
समीक्षा अवधिसम्म कम्पनीको खुद नाफा ३६.३७ प्रतिशतले वृद्धि भई ८ करोड ७१ लाख रुपैयाँ पुगेको छ।
असोज मसान्तसम्म कम्पनीले विद्युत बिक्रीबाट १६ करोड ६४ लाख रुपैयाँ आम्दानी गरेको छ, जुन अघिल्लो वर्षको सोही अवधिको १५ करोड ६ लाख रुपैयाँ भन्दा १०.४९ प्रतिशतले बढी हो। त्यस्तै, कम्पनीको वित्तीय खर्च ५.९५ प्रतिशतले घटेर ३ करोड २२ लाख रुपैयाँमा सीमित भएको छ।
विवरणअनुसार हाल कम्पनीको चुक्ता पूँजी १ अर्ब १२ करोड रुपैयाँ रहेको छ भने अन्य इक्विटी १९ करोड ७ लाख रुपैयाँ रहेको छ। असोज मसान्तसम्म कम्पनीको प्रति सेयर आम्दानी (EPS) ७ रुपैयाँ ७२ पैसा र प्रति सेयर नेटवर्थ ११६ रुपैयाँ ८८ पैसा रहेको उल्लेख गरिएको छ।
