काठमाडौँ। सिंगटी हाइड्रो इनर्जी लिमिटेडले हकप्रद शेयर निष्काशन गर्ने तयारी गरेको छ।
कम्पनीले गत आर्थिक वर्षको मुनाफाबाट ५ प्रतिशत बोनस शेयर वितरण गर्ने घोषणा गरिसकेको छ। सो बोनस वितरणपश्चात कायम हुने चुक्ता पूँजीको शतप्रतिशत बराबर, अर्थात् १ बराबर १ अनुपातमा हकप्रद शेयर ल्याउने निर्णय गरिएको हो।
मंसिर ८ गते बसेको सञ्चालक समितिको बैठकले हकप्रद निष्काशन गर्ने निर्णय अनुमोदन गर्दै, त्यसबाट संकलित रकम कम्पनीका बक्यौता ऋण चुक्ता गर्न उपयोग गरिने जनाएको छ।
हकप्रद निष्काशनको प्रक्रिया तथा आवेदन अवधि बारे भने कम्पनीले आगामी दिनमा थप जानकारी सार्वजनिक गर्नेछ।
