काठमाडौँ । रिज लाइन इनर्जी लिमिटेडले आफू संलग्न जलविद्युत आयोजनाका लागि बैंक जमानत उपलब्ध गराउने निर्णय गरेको छ। कम्पनीको असार ५ गते बसेको सञ्चालक समितिको ११६ औँ बैठकले यस्तो निर्णय गरेको हो।
निर्णयअनुसार, कम्पनीले सेयर लगानी गरेको दूधपोखरी चेपे हाइड्रोपावर लिमिटेडद्वारा निर्माणाधीन ११ मेगावाट क्षमताको दूधपोखरी चेपे जलविद्युत आयोजनाका लागि थप कर्जा सुनिश्चित गर्न जमानत प्रदान गर्नेछ।
आयोजना निर्माण र विस्तारका लागि हाइड्रोपावर कम्पनीले राष्ट्रिय वाणिज्य बैंकबाट लिएको थप ऋणको सुरक्षाका रूपमा रिज लाइन इनर्जीले १५ करोड १५ लाख रुपैयाँ बराबरको संस्थागत बैंक जमानत दिने भएको हो।
