काठमाडौं । आज सुनचाँदीको मूल्य घटेकाे छ । आज सुनको मूल्य प्रतितोला ८०० रुपैयाँले घटेको हाे ।
त्यस्तै, चाँदीकाे मूल्य तोलामा १५ रुपैयाँले घटेकाे छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ८०० रुपैयाँले घटेसँगै छापावाल सुनको मूल्य प्रतितोला १ लाख ११ हजार रुपैयाँ छ ।
यस्तै, तेजाबी सुनको मूल्य तोलामा १ लाख १० हजार ४५० रुपैयाँ कायम छ ।
हिजो छापावाल सुनको मूल्य तोलामा १ लाख ११ हजार ८०० र तेजाबी सुनको मूल्य तोलामा १ लाख ११ हजार २५० रुपैयाँ थियो ।
आज चाँदीको मूल्य तोलामा १५ रुपैयाँले घटेर तोलामा १३ सय ८५ रुपैयाँ कायम छ । हिजो चाँदीको मूल्य तोलामा १४ सय रुपैयाँ कायम थियो ।
