काठमाडौँ। नेपाली बजारमा आजपनि सुनको मूल्यले नयाँ रेकर्ड बनाएको छ। मंगलबार तोलामा २७ रुपौयाले बढेर सुनको मूल्य हालसम्मकै उच्च कायम भएको हो।
आज सुन प्रतितोला २ लाख ८४ हजार ७ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ। सोमबार पनि सुनको मूल्यले रेकर्ड कायम गरेको थियो ।
हिजो सुनको मूल्य ४२ सय रुपैयाँले बढ्दै प्रतितोला २ लाख ८२ हजार रुपैयाँ कायम भएको थियो ।
यसैबीच आज चाँदीको मूलय पनि बढेको छ । चाँदीको मूल्य ७० रुपैयाँले बढ्दै हालसम्मकै उच्च विन्दुमा पुगेको हो। चाँदी आज प्रतितोला ५ हजार ८८० रुपैयाँमा कारोबार हुँदैछ ।
